Friday, January 16, 2009

再談玄怪



繼續再談之前的玄怪糸列, 三大學派 釋、儒、道; 其中曾聞說釋家(即佛家)的點點耐人尋味的事蹟. 於算命方面, 釋家其中一支流為婆羅教(亦有說是佛教未成型的前身) .有時若有命主算命, 得出批文如下: “生在皇帝腳, 一世無鞋着. 生在皇帝頭, 一世不用愁.” 這種似歌非歌, 似詩非詩的批文帶有強烈的宿命論. 首先, 皇帝頭/腳所說的可能是一個時辰. 即是說某年月日時出世的人, 通常都不過是勞役一生; 背後的原理其實說穿了也不過是前世因今世果. 雖然此種論法不被大眾所接受, 但邏輯上亦符合釋家的因果理論. 婆羅派於論命一節上是有如此奇怪的色彩, 那道家(又有俗稱神功派/法科派)又如何呢 ? 昨天跟友人閒談, 友人說他公司的秘書們(其實只是廿零歲出頭的小朋友)知道筆者半投身於玄學界後; 紛紛托其叫在下為她們逐一 “贈兩句”批命. (有時真想反問她們, 若你從事黃金業; 小弟叫你“贈”一兩安士黃金可以嗎 ? ) 更有一位更直問在下, 信不信世上有鬼? 我隨即想起之前師兄的一件往事.

有一師兄, 就曾經有過不少於玄學上的體驗; 而且亦試過不少撞板的次數. 他不諱言,其實從事術數者都應有宗教信仰. 因為, 他就試過於內地打開羅盤做事之際; 磁牆被嚴重干擾. 曾習神功的他當然是知道是發生什麼事, 於是不慌不忙地收拾東西; 叫屋主跟他站於屋外一下. 到了外邊, 坦而告知; 奇怪在屋主亦不甚驚訝. 一問之下, 屋主才和盤托出; 原來之前正正有人於屋內自殺身亡. 雖然筆者於靈魂學一道從未踏入過半步, 但也知道若屋內有陰靈常聚; 屋主亦很難會有運行. 在下於大學時, 就正正遇上過這等陰氣纏身的怪屋

待續

9 comments:

Bungy-Zoe said...

... 其實如果普通人入到去,或者係某某東西附近,會唔會feel 到呢?

數奇門 said...

妹妹仔..你都update 得姊快喎..

回應你個問題, 因人而異. 因為每個人既氣牆/磁牆有別

Bungy-Zoe said...

(呃,因為上班在摸魚...)

其實,我長期開住reader 的嘛……

咁即係話,如果氣牆係比較「陽剛」的,就唔會咁容易感應到「相反」的物體?(呃呃,本人的詞匯有限...你睇唔睇得明呀?)

哥哥,你都答得好快丫~

黑人 said...

貪小便宜人之常情

小弟初出來撈時,常常有人叫我贈佢一兩幅公仔、贈佢一張poster (簡簡單單,無乜要求架,不過可唔可以呢度再執執佢?仲有...)

如果萬般皆是命,何須問卜求鬼神?
要來的總要來,要走的留不住

抑或習玄學術數者,本身可以改變自己的命?
又抑或...學習玄術發財,都是命的一種?

數奇門 said...

zoe > 吾係陽吾陽剛甘簡單, 但係八字上係會有顯示的

黑人> 明天要落雨了, 你可選擇出街定吾出街(人); 但係大前題是都要落雨的(天)

(運)落雨個陣有無人遮你?你記吾記得帶遮出街?可吾可以問同事借把遮 ? 使吾使還?

Bungy-Zoe said...

八字牙……(消音)

八字我沒啥天份……(淨係見到d 官殺食傷比劫<?>已經頭大)又可能,因為睇八字睇得太多野,所以有d抗拒。

多謝大師指點^^

另,借版回一下:黑人,你是好人,所以別人才會「不過……仲有」。

定數裡面會有變化,會給你選擇。但是,大家都不能肯定選的是不是最好的……

習玄學術數者,小妹的愚見是,就算你可以「擺」到自己有幾風生水起,其實只不過是一場「等價交換」……(何況,擺到的話那個人的功力一定非一般。)

有借,就要有還。人,要改變命運,很多時都要犧牲一些東西(不論自己有沒有察覺)才會得到另一些東西。

冥冥中,有一些規則在裡面的。

每個人都只係有一百蚊,你點駛,係你自己話事;可以點駛,就可以去搵方法參考下...

渣估 said...

奇門兄: am730 有位小紅帽,專寫她陰陽眼陰陽耳所見所聞,玄怪恐怖得來都幾有趣!

數奇門 said...

阿沽, 看過了...一般料啦..
嘻嘻...估吾到你大駕光臨留言喎

渣估 said...

奇門兄: 有空寫多一點"玄怪事", 很有趣!

很多年前讀過李居明的"般若心經"小書, 後來見佢搞東密, 又出生肖運程書, 不甚喜歡。