Wednesday, May 4, 2011

露相非真人

一連幾次都談及術數,或有人稱 “方術” ,是可以提升個人的財運。其實,沒有 “方術” 的輔助下,也可以財源滾滾的。

身邊有一名朋友,出身一般平民式屋邨,打一份很普通的工作。食飯永遠不叫野飲,跟餐也避開凍飲,免加兩蚊. 在他身上從來未見過新衫,衣食住行看起來樣樣都捉襟見肘。有一兩次大家一起去做點事,都會代他繳付大部費用等等。朋友嘛,你無時我幫你,何況區區之數三幾百,沒所謂吧。

有天跟他吹水,笑着跟他說,你甘鬼慳,要慳錢買樓定娶老婆呀 ? 他儍儍的搖了頭,說: 樓 ? 我早買了. 我暗吃一驚,同時心裡狂爆了幾句粗口. 那平時你…扮窮是干啥 ? 平時愽同情嗎 ? 喂,咪住 ! 你買左咩樓先?

他慢慢地說, 有個朋友於年多兩年前叫我合資,找到了旺角區一層小單位,建築面積二百零呎。當時九十多萬,不知怎的可借了九成半,現在放租了,早幾天的價錢已是百六萬啦.

聽到這裡即時hold住所有粗口,幾近逼令他盡快介紹那位算死草。百物騰貴的今天,怎可能找到一層不足一百萬的樓 ? (後來我真的認識了這位仁兄,原來這層蚊型樓於沙士時竟然是四十零萬。當然,這又是後話)

這個故事的教訓是,只要一蚊一蚊甘儲,食飯吾叫凍飲,放假永世吾去旅行,最好有病都吾睇醫生,那就肯定儲到錢買樓了。這位朋友沒有運用 “方術” ,但卻輕易而舉的做了一名小業主。命耶 ?

No comments: