Friday, May 20, 2011

明知山有虎

話說一落機便砰一聲衝去涉谷的 “道玄坂”了,根據當地的一些雜誌,知道那裡有幾間潮鋪, 我們照地圖找呀找,到了那裡果然大有斬獲,好些baseball cap 或Era 帽都是當地獨有。然後懷着興奮的心情去找晚餐食,因早己做了功課,找到了一間上樓壽司店。

你可能會話,咩話 ? 幅射甘勁仲食壽司 ?



無錯,因為心口有個勇字係無有怕既 ! 就好似有些客人明知無運,都仲去做生意一樣,各按天命算吧啦 ! 上到去餐廳成九點幾,當地時間都算夜了,竟然都只得番三四個位,大家都覺得應該衰極有限了。而當我地見到一碟甘既賣相既壽司黎到,就更多餓火焚身啦。

味道完全是靠魚肉的鮮甜帶出,分分鐘加埋幅射更把鮮味提升(笑), 同場還加映幾件壽司,味道也是絕頂. 話時話,可能是落機後第一餐吧,味蕾也較敏感呢。埋單約港紙 $600, 夠飽,質數比起板X 高幾倍,比起CWB 好些上樓日本餐(u know what I talking about)好半點.

No comments: