再遇三層大宅，四度出入門

最近又會一女客來自花旗國，客人自言有朋友代買團購，除了行使團購價之外，也想 “加鐘” 甘話喎。嘿嘿, 見有客人用正價消費，當堂精神一震。快如閃電的為客人占卜一下: 未來事業及姻緣。

排起卦象，客人問道: “先生不用參考本人之時辰八字乎 ? ” 我搖一搖頭，繼續排起掌中訣，心諳: “要是日神相就，就算你姓咩都吾使問添，何需出生年月日?” 回頭見 “風雷益” 之卦，便說: “你打算即將上任的新工作，是人工比之前少許多, 對嗎 ?”

只見客人肯定的說: “對”.

呵呵，卦首的數吻合了，之後的解讀便易辦。我一口氣連珠發炮: “姑娘，這份工的老闆是說英語為主，半鬼之類。你家的睡房又放了一些水，應該不是酒或礦泉水，總之有盆水係間房啦，我看得不大清楚是什麼。廳裡又放了很多西藥。噫 ?之前有鬼佬追過你喎. 再之前拍拖既男友，佢老豆好叻，係一個成功人士之類。仲有, 你樓下好似死過人，發生過意外之類吧? ”

客人聽得大奇，好像很有興趣聽下去似的，但也逐一回答我說: “對呀，這份工係個鬼婆請我既，我間睡房擺左盆富貴竹，屋企因為有老人家病左, 所以地下個層有好多西藥。之前係被鬼追，不過吾成事啦。我本身住 Condo, 樓下對出吾知有無意外。不過，最近無端端見到好多sign突然擺左出黎叫人慢使。Hmm.. 我個ex.bf.. 佢老豆確實係成功人士。。。至今仍然有聯絡。”

所謂不中亦不遠矣，日神得宜，扮下神仙又有何難 ?不久前曾有人於美國一大宅裡，於電話找我遙距占卜。因第一次遇上外國的三四層高豪宅，故不曉參透玄機，搞到個客又搵年糕又魚藥之類，差點栽了個翻斗，相金過戶即時凍結, 之後亦再無回頭。今云學乖了，只要心無罣礙，專心搖出銅錢便可以看得異常清楚。

又要趕出街玩，講住甘多先….