Tuesday, July 17, 2012

抄牌

一向都無認識過做警察的朋友,所以我對差人的印象也是很迷糊。不過,最近又有點認識了。因為,我已經連續三星期,每星期被抄一次牌。泊足一日或幾小時,被抄就沒有話好說。但最近的一次,竟然只是落車去買五金器具,前後不過五分鐘就已中伏了。

那次我行回車廂,見到阿蛇剛動手抄下資料,心底已涼了半截。盡量以冷靜的聲音,說 : “阿sir, 買小小野姐,可吾可以比次機會呀?”阿sir 冷冷的望着我,指着雙黃線,像東莞公安撞門掃黃掃毒地說: “呢度係雙黃線,而家又係9-12點,你。係。違。例。! ”

我 X ! 九吾 L知違例咩 ? PC 3456, 如果吾違例你都抄我,我都吾使求下情啦? But anyway, $ 320食餐飯都無左,就當比陀地保護費。都市傳說話,如果抄牌時由身邊女性出聲求情,係大大增強過關機會,弊在個陣身邊連個阿婆都無,於是無奈接過告票開車走人。

不知大家有無聽過 “福無從至,禍不單行” ? 同一日,三小時後我又去了旺角買野,今次泊車在店鋪門口便入去了。剛巧買的東西要去到店鋪最深處,雙眼的目光不禁遊離部車了,揀了十多分鐘,突然聽到門外有兩個人大嗌,: “部車邊個架 ? ”

呢位朋友聲音慈祥,語調非常有禮貌,在旺角鬧市,江湖味重,一般都會說: “部車邊 L個 ?” “部車邊 7 個 ?” 或更 hardcore 甘話 : “X ! 邊那個朱標阻 L住哂呀 ? ”

我一個馬步飛出去,只見兩位制服鮮明,頭戴整齊黑帽的阿蛇,一邊打量我部車,一邊四圍望下有無人認領。我當堂差點暈一暈,一日中兩張,睇怕要白做半個月了。正當我預備跪底 - 求饒- 逼眼淚求情之際,只見兩位差大哥一邊搖頭一邊說: “你咪行開甘遠啦, 成條街抄哂你都未知呀 ! ” 跟住不帶走一片雲彩地繼續行咇了。

嘩,呢兩位差大哥,莫非前世借過錢比佢, 今世比條路我行 ? 定係善有善報,昔日我久不久為一世無運行的人算命,大多無收錢當贈幾句便算數,今日天理循環,終於到我遇到慈悲阿蛇放生一馬 ?

同一日內遇上態度迴異的差大哥,很慶幸當差者也有放生人士。不過,究竟被抄者應該採取咩態度面對呢 ? 我身邊有朋友試過,當面用連環阿媽老味男女各式性器官,以機關鎗掃射式怒罵差人。亦有朋友說,揸架 MK 飛雞同揸架歐洲房車,面臨抄牌或road block也有天壤之別的服務質數。就似乘坐頭等或經濟客位,所獲的招待也是程度上有別。

所以若坐頭等倉的話,抄牌時有意無意地流露一點雍容的笑容,轉身上車按下 Keyless Go,身邊兩旁的境象盡是瀟灑的倒轉。那 $320 的單據,只是一頁昂貴日記,記錄某年盛夏的啞然失笑。相比起肩膊上的一盒紅萬,一架十年車齡的日本紙紮跑車,滿口辛辣的性器官,使勁的問候別人母親到已火化成灰太上祖母。 那張 $320 的單據,是否一張法力四射的勾舌符咒 ?

No comments: